A zona infantil é un espazo situado no recinto do Festival onde peques e grandes poden gozar xuntos dunha programación cargada de actividades, obradoiros e xogos.

Ao longo do sábado e domingo no ESCENARIO INFANTIL FUNDACIÓN SGAE haberá actuacións musicais, contacontos, magos, monicreques e moitas sorpresas máis!

CONCERTO PUNK INFANTIL

CONCERTO PUNK INFANTIL

Un cantante punk e un cantante infantil condenados a compartir escenario acaban creando un delirio musical chamado “Concerto PunkInfantil. Un espectáculo musical e de clown para todos os públicosno que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e cativos

PEQUENO SHOW INFANTIL DAS NOSAS MÚSICAS DE AQUÍ

PEQUENO SHOW INFANTIL DAS NOSAS MÚSICAS DE AQUÍ

A Compañía Nelson Quinteiro volve a facelo, e con esta montaxe creará un cabaret interactivo na que se van a presentar, dun xeito moi novidoso, colorido, alegre, e innovador diferentes instrumentos, ritmos, xéneros, cancións, contos e bailes do patrimonio inmaterial e cultura galego

LUIGI PUCK

LUIGI PUCK

Un concerto de cancións infantís recollidas en ” Kolilá koliló”, primeiro disco de Luigi Puck, con arranxos e produción do aclamado dúo “Fetén Fetén” e a participación de Guadi Galego ou Nacho Mastretta, entre outros

Sobre o escenario, Luigi Puck desenreda os seus enredos enredándose sen remedio no desenredo. Crea un espazo lúdico pero tamén un espazo sensible para que xoguen, canten e bailen os pequenos e os maiores, aínda que ás veces non sexa necesariamente nesa orde. Bo, en realidade, queremos dicir sen orde

PAKOLAS

PAKOLAS

Pakolas é Paco Cerdeira, autor e compositor, músico, e tamén produtor de música pensada para @s mais cativ@s. Este é o nome que que lle gusta que o coñezan entre a poboación de curta idade. Reciclaxe, música, amizade, historias…

RITMO DO CAMIÑO

RITMO DO CAMIÑO

Aldeas de xigantes, animais que cantan para entenderse, unha fonte sen auga por culpa do cu dun xigante, unha aldea que canta cun cal-deiro… Contos que comparten Antía e Wamba, África e Europa, para aprender a compartir, a afrontar os problemas con optimismo, a resolvelos falando… ou mellor aínda : cantando!

ZAS E KAÑOTAS

ZAS E KAÑOTAS

espectáculo de DJ e baile, onde se misturan cancións actuais e non tan actuais para intentar que nenos, nenas e maiores bailensen parar. Bailaremos con coreografías sinxelas e participativas e adaptado a tódalas idades, dando un cambio os espectáculos tradicionais tentando que o mesmo sexa activo

MAGO NOEL

MAGO NOEL

Espectáculo de Maxia onde se convina a maxia tradicional con maxia non tan convencional. Misturando outras artes circenses como malabares… Conseguindo que o público interactue co espectáculo en cada truco

SAAABOR!

SAAABOR!

Saaabor! é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os nosos protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela, ata a máis elaborada, sen esquecer o viño e a sobremesa, elaborando un saboroso menú para toda a familia

A HISTORIA DE BRANCAFLOR

A HISTORIA DE BRANCAFLOR

Nesta montaxe achegámonos á lenda popular de Brancaflor -filla do Demo- a partir da versión que Xosé Ramón Mariño Ferro recolleu na súa escolma Contos Marabillosos. Unha trama chea de probas máxicas, encantamentos, romances e maleficios. Unha fermosa historia de amor entre Brancaflor e Xan, á que se opón o malvado pai da rapaza

A BRÉTEMA DE MARÍA VICTORIA MORENO

A BRÉTEMA DE MARÍA VICTORIA MORENO

Contacontos sobre A brétema, un conto de María Victoria Moreno, autora homenaxeada no Día das Letras Galegas 2018, a cargo da escritora Eli Ríos para crianzas a partir de tres anos. Despois da contada, haberá un obradoiro sobre esta historia, un dos contos infantiles máis representativos da escrita de María Victoria Moreno

A MÚSICA DA AUGA DE ANXO MOURE E SERVANDO BARREIRO

A MÚSICA DA AUGA DE ANXO MOURE E SERVANDO BARREIRO

Novo libro-cd de Servando Barreiro e Anxo Moure onde se recupera a cultura tradicional do “espertar das augas” (fai anos a xente maior batea coas palmas diante dunha fonte para espertar a auga e que non mancase a barriga), empezan pois os contos cunha cantiga do espertar da auga no pedregal de Irimia, convidando a nenas e nenos a unha viaxe cíclica desde o nacemento dun rio (neste caso o miño) ata sua desembocadura no mar atlántico. Nesta viaxe coñeceremos as xacias (mulleres peixe), barqueiros, cesteiros, mulleres que cos seus cestos na cabeza para vender o peixe na lonxa, cantando e contando as suas historias e a Sabeliña, sabelar, filla da onda do mar

Contos da chuvia e das fontes que divulgan a riqueza dos ecosistemas fluviais e marítimos e propoñen hábitos para o seu coidado. “A música da auga” pretende poñer en valor a riqueza da nosa cultura fluvial e marítima a través destes contos e cantos